“ဥပုသ်နေ့ရောက်တာနဲ့ မိသားစုအားလုံး ကျောင်းကို အစောကြီးသွားပြီး တစ်ကျောင်းလုံး သန့်ရှင်းရေးလုပ်တယ်၊ ကိုရင်တွေ ဦးဇင်းတွေရဲ့ စောင်တွေ၊ ခြင်ထောင်တွေ၊ သင်္ကန်းတွေတွေ့သမျှ အကုန်လျှော်ဖွတ်ပေးတယ်၊ အိမ်သားအားလုံးကိုလည်း ဆေးကြောသန့်ရှင်းပြီး ရေဖြည့်ပေးတယ်။”
“အဲဒီ ဝေယျာဝစ္စကုသိုလ်တွေကတော့ အမြဲတမ်းလိုလို ရပါတယ်၊ ရန်ကုန်ကို မိသားစုအားလုံး ပြောင်းကြတော့မယ်ဆိုပြီး ဆရာကတော်ကို သွားကန်တော့တော့ ဆရာတော်က အမိန့်ရှိပါတယ်။”
“ဟဲ့ - မြင့်ကြည်၊ နင်တို့မိသားစုဟာ သူတစ်ပါးမလုပ်ချင်တဲ့ ဝေယျာဝစ္စကုသိုလ်တွေကို အများကြီး လုပ်ခဲ့ကြတယ်၊ ဒါကြောင့် နင်တို့ ရန်ကုန်ရောက်ရင် သူတစ်ပါးမရတဲ့ ကောင်းကျိုးချမ်းသာတွေကို နင်တို့ရကြလိမ့်မယ်၊ သူတစ်ပါးမစီးရတဲ့ကား နင်တို့စီးရလိမ့်မယ်၊ သူတစ်ပါး မနေရတဲ့တိုက်မှာ နင်တို့ နေရလိမ့်မယ်”တဲ့။
“ရန်ကုန်ရောက်တာနဲ့ ကိုတင်စိုးနဲ့ အိမ်ထောင်ကျတာပါပဲ၊ အိမ်ထောင်ကျပြီးတာနဲ့ ကူညီမယ့်သူတွေ့ပြီး ကိုတင်စိုးဟာ ဘာမှမကုန်ရဘဲ နိုင်ငံခြား သင်္ဘောသားအလုပ်ကို ရခဲ့တာပါ”
မေတ္တာရှင်(ရွှေပြည်သာ) “သင်လူတစ်ယောက်ဖြစ်ပြီလား? (ဓမ္မဒဿနနှင့် ဓမ္မရသစာစုများ)” စာအုပ်မှ ပြန်လည်ထုတ်နုတ် ဖော်ပြပေးထားပါသည်
No comments:
Post a Comment