"ကျေးဇူးပြု၍ မေမေ့ကိုကြည့်ရှုစောင့်ရှောက်ပါ"

"ကျေးဇူးပြု၍ မေမေ့ကိုကြည့်ရှုစောင့်ရှောက်ပါ" 

ဒီစာအုပ်က Synergy စာအုပ်ထုတ်လုပ်ရေးကနေ ၂ဝ၁၂ အောက်တိုဘာလ ၉ရက်နေ့မှာထုတ်ဝေမယ့် ကျွန်မရဲ့ ၁၅အုပ်မြောက်စာအုပ်လေးပါတယ်။

မျက်နှာဖုံးဓာတ်ပုံ-- PM Kyi (Neverland)ဖြစ်ပြီး
မျက်နှာဖုံးဒီဇိုင်း -- ဇေယျာဝင်းထက် ဖြစ်ပါတယ်။

ဒီစာအုပ်ကိုဘာသာပြန်စဉ်က ခံစားမိခဲ့တာတွေကို စာအုပ်ရဲ့အမှာစာအဖြစ် ထည့်သွင်းထားပါတယ်။ 

မိဘနဲ့ပတ်သက်တဲ့အကြောင်းအရာတွေကို အရေးများတဲ့ကျွန်မကို ကျွန်မရဲ့စာအုပ်ထုတ်ဝေသူက ဒီစာအုပ်လေးဖတ်ကြည့်ပါလို့ ညွှန်းဆိုလာပါတယ်။ ညွှန်းဆိုလာတဲ့အတိုင်း အင်တာနက်ပေါ်မှာ ဒီစာအုပ်ရဲ့အကြောင်းအရာကို ကျွန်မလိုက်ရှာဖတ်ကြည့်ခဲ့ပါတယ်။

ဒီစာအုပ်ဟာ ဘာသာစကားများစွာနဲ့ ဘာသာပြန်ဆိုခံခဲ့ရပြီး နိုင်ငံပေါင်းများစွာက အလုအယှက်ဖတ်နေကြတဲ့စာအုပ်လို့ ဆိုထားပါတယ်။ စာရေးသူရဲ့ဒီစာအုပ်ဟာ အင်္ဂလိပ်ဘာသာလိုပြန်ဆိုခံရတဲ့ စာအုပ်ဖြစ်ပြီး အင်္ဂလိပ်လိုပြန်ဆိုထားတဲ့စာအုပ်ကို ၂ဝ၁၁ခုနှစ်မှာ ထုတ်ဝေခဲ့ပါတယ်။ ကိုရီးယားလိုရေးထားတဲ့ မူရင်းစာအုပ်က ထုတ်ဝေလိုက်တာနဲ့တပြိုင်နက် ကိုရီးယားနိုင်ငံမှာ ၁ဝလအတွင်း အုပ်ရေတစ်သန်းခွဲကျော်ရောင်းခဲ့ရပြီး စာအုပ်အရောင်းဆိုင်တွေမှာ ၁နှစ်ကျော်ကြာ ဗိုလ်စွဲခဲ့တဲ့စာအုပ်လည်းဖြစ်ပါတယ်။ ၂၁ရာစုမှာ မိခင်ဘွဲ့ကို အကောင်းဆုံးရေးစပ်နိုင်ခဲ့တဲ့စာအုပ်လို့လည်း ဆိုထားကြပါတယ်။

အင်တာနက်ပေါ်က စာအုပ်အညွှန်းကိုဖတ်ပြီး သူငယ်ချင်းတစ်ယောက်ကို ဒီစာအုပ်လေးထည့်ပေးဖို့ ကျွန်မအကူအညီတောင်းလိုက်ပါတယ်။ စာအုပ်ရတာနဲ့ေ န့မဆိုင်းဘဲ မြန်မာစာဖတ်သူတွေလည်းဖတ်နိုင်ဖို့ မြန်မာစာအဖြစ် ဘာသာပြန်ဆိုလိုက်ပါတယ်။ ဒီစာအုပ်ဟာ ကျွန်မရဲ့ပထမဆုံး လုံးချင်းစဆုံး ဘာသာပြန်ဆိုတဲ့စာအုပ်ဖြစ်ပါတယ်။ အတတ်နိုင်ဆုံးကြိုးစားပြီး စာဖတ်သူတွေ နားလည်သဘောပေါက်လွယ်အောင် ဘာသာပြန်ခဲ့ပါတယ်။ ပထမဆုံးစာအုပ်မို့ အကောင်းဆုံးဖြစ်အောင် ကြိုးစားခဲ့သည့်တိုင် အမှား ဒါမှမဟုတ် ဝါကျအထားအသိုတွေ မမှန်ကန်ခဲ့ရင် ခွင့်လွှတ်နားလည်ပေးကြဖို့ တောင်းဆိုပါတယ်။ ဒီ့ထက်အကောင်းဆုံးဖြစ်အောင် ဆက်လက်ကြိုးစားနေပါဦးမယ်။

ဒီစာအုပ်ကို ဖတ်နေစဉ်၊ ဘာသာပြန်နေစဉ်အတွင်းမှာ ကျွန်မမျက်ရည်ဝဲပြီး ရင်ထဲဆို့နင့်ခဲ့တဲ့အချိန်တွေ ရှိခဲ့ပါတယ်။ စာကိုကြိုးစားရေးရင်း ကျွန်မမေမေရဲ့ပုံရိပ်တွေ ကျွန်မ မကြာခဏမြင်ယောင်ခဲ့မိပါတယ်။ ဝတ္ထုထဲက ဇာတ်ကောင်အမေအိုရဲ့နေရာမှာ ကျွန်မရဲ့မေမေကိုများ တည့်တည့်ရည်ညွှန်းရေးထားသလားလို့လည်း ထင်ခဲ့မိတယ်။ တကယ်တော့ ဒီစာအုပ်ဟာ ကျွန်မမေမေကိုပဲ ရည်ညွှန်းရေးခဲ့တာမဟုတ်ဘဲ တစ်ကမ္ဘာလုံးက ရှိရှိသမျှမေမေတွေကို ရည်ညွှန်းရေးခဲ့တာပါ။ စာအုပ်ထဲက အမေအတိုင်း ကျွန်မတို့ရဲ့အမေဟာလည်း သူ့အရာအားလုံးကို သားသမီးတွေအတွက် ပေးဆပ်ခဲ့တယ်။ သူ့တစ်ဘဝစာနဲ့ သားသမီးအပေါ် အနစ်နာခဲ့တယ်။ ကိုယ်တိုင်အတွက်တော့ ဘာမှချန်မထားခဲ့ပါဘူး။

စာအုပ်ထဲကသမီးလိုပဲ မေမေဟာ သာမန်အမျိုးသမီးတစ်ဦး၊ မေမေမှာလည်း ကလေးဘဝရှိခဲ့မယ်၊ မေမေမှာလည်း ဆယ်ကျော်သက်အရွယ်နဲ့ စိတ်ကူးအိပ်မက်တွေရှိခဲ့မယ်ဆိုတာကို ကျွန်မတစ်ခါမှ မတွေးခဲ့မိပါဘူး။ မေမေရယ်လို့ဖြစ်လာရင် ဒီမိသားစုအတွက်၊ ဒီအိမ်အတွက် သူ့စိတ်ကူးအိပ်မက်ကိုစွန့်ပြီး ဘဝသေဆုံးတဲ့အထိ ပေးဆပ်အနစ်နာခံရမယ်လို့ပဲ ထင်ထားခဲ့မိတယ်။ 

စာအုပ်ထဲကမေမေအတိုင်း ကျွန်မမေမေလည်း မြန်မာစာမတတ်ခဲ့ပါဘူး။ ဒါပေမယ့် မေမေဟာ ကျွန်မတို့စာကျက်တိုင်းဘေးမှာထိုင်ပြီး အဖော်ပြုခဲ့တယ်။ ကျွန်မတို့ရဲ့ပညာရေးကို ဦးစားပေးခဲ့တယ်။ သူ့ဘဝတစ်သက်တာကို လယ်ယာခြံအလုပ်အပြင်၊ စက်ချုပ်ဆိုင်လေးထဲမှာပဲ ကုန်ဆုံးခဲ့တယ်။ ငယ်ရာကနေ ကြီးပြင်းလာခဲ့တဲ့မေမေမှာလည်း ကျွန်မတို့လို စိတ်ကူးအိပ်မက်တွေရှိခဲ့မှာပဲ။ အဲဒီစိတ်ကူးအိပ်မက်ကို အကောင်အထည်ဖော်ချင်ခဲ့မှာပဲ။ ဒါပေမယ့် သားသမီးမွေးပြီးတဲ့နောက်မှာ သူ့အချိန်အားလုံးကို သားသမီးတွေအတွက်ပဲ ပေးခဲ့တယ်။

ဒီစာအုပ်ထဲကသမီးလိုပဲ ကျွန်မမေမေရဲ့ စိတ်ကူးအိပ်မက်က ခရီးသွားရဖို့လား?လို့ ကျွန်မတစ်ခါမှ မတွေးခဲ့မိဘူး။ ဒီစာအုပ်ကိုဖတ်မိမှပဲ ကျွန်မရဲ့မေမေဟာ သူ့အသက်တစ်ဝက်စာလောက်မှာ ရွာနဲ့တောင်ကြီးမြို့လောက်ပဲ သွားခဲ့ဖူးတယ်ဆိုတာကို ကျွန်မအမှတ်ရလာခဲ့တယ်။ ကျွန်မနိုင်ငံခြားမှာ ကျောင်းဆက်တက်ဖို့သွားမယ်ဆိုခါမှ ရန်ကုန်မြို့ကို မေမေရောက်ခဲ့ဖူးတယ်။ မေမေနိုင်ငံခြားထွက်ဖူးတဲ့ အကြိမ်ဟာလည်း သူ့ဘဝနောက်ဆုံးအကြိမ်ဖြစ်ခဲ့ပါတယ်။ ဖျားနာလို့ အိမ်နီးချင်းနိုင်ငံမှာ ဆေးသွားကုရာကနေ အိမ်ကို မေမေလုံးဝပြန်မလာနိုင်ခဲ့တော့ပါဘူး။ သူရဲ့ပထမဆုံး အဝေးဆုံးကိုသွားခဲ့တဲ့အကြိမ်ဟာ သူချစ်တဲ့မိသားစုနဲ့ ထာဝရခွဲခွာသွားတဲ့အကြိမ်ဖြစ်ခဲ့ပါတယ်။

စာအုပ်ထဲမှာ မေမေပျောက်ဆုံးသွားတာနဲ့ ဇာတ်လမ်းဆင်ရေးဖွဲ့ထားပါတယ်။ တကယ်တမ်းတော့ မေမေ တော်တော်များများဟာ မိသားစု၊ သားသမီးတွေအပေါ် စိတ်ရောကိုယ်ပါနစ်ပြီး ပြုစုစောင့်ရှောက်ခဲ့တဲ့အတွက်၊ သူတို့ရဲ့ရှိရှိသမျှအရာကို ပေးဆပ်၊ အနစ်နာခံခဲ့တဲ့အတွက် သူတို့ကိုယ်သူတို့ ပျောက်ဆုံးနေကြောင်းကို ခံစားရလိမ့်မှာ မဟုတ်ဘူး။ မေမေကိုနေရာမပေးနိုင်တာ၊ အချိန်မပေးနိုင်တာ၊ လျစ်လျူရှုမိတာတွေကြောင့်လည်း သားသမီးတချို့ရဲ့ရင်ထဲမှာ မေမေဟာ ပျောက်ဆုံးကောင်း ပျောက်ဆုံးနေပါလိမ့်မယ်။

ဒီစာအုပ်ဟာ အချိန်မီသေးတဲ့သင့်အတွက် အခွင့်အရေးတစ်ခု
ဒီစာအုပ်ဟာ အချိန်မမီတော့တဲ့သင့်အတွက် နှစ်သိမ့်မှုတစ်ခုတဲ့။

မေမေရှိသူတိုင်း ဒီစာအုပ်ကို ဖတ်ကြည့်သင့်တယ်လို့ ကျွန်မထင်ပါတယ်။ အချိန်မီသေးတဲ့အချိန်မှာ မေမေကိုပွေ့ဖက်ပြီး မေမေကိုချစ်တဲ့အကြောင်းတွေ ပြောကြားစေချင်ပါတယ်။ အချိန်မီသေးတဲ့အချိန်မှာ မေမေကို ပိုဂရုစိုက်၊ နားလည်မှုပေးစေချင်ပါတယ်။

“ကျေးဇူးပြု၍ မေမေကို ကြည့်ရှုစောင့်ရှောက်ပါ”

ကမ္ဘာပေါ်မှာရှိရှိသမျှ မေမေများအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းနှင့် ပြည့်စုံနိုင်ကြပါစေလို့ ဆုတောင်းရင်း

မူရင်းစာအုပ်ထဲကပါတဲ့ ကိုရီးယားနေရပ်အခေါ်အဝေါ်၊ လူနာမည်အခေါ်အဝေါ်တွေကို မြန်မာဘာသာအဖြစ် ပြန်ဆိုပေးတဲ့ ဘလော့ဂါကိုကိုစိန်နဲ့သူငယ်ချင်းကို  အထူးကျေးဇူးတင်ပါတယ်။

ချစ်ခင်လေးစားစွာဖြင့်
နိုင်းနိုင်းစနေ (ဇူလှိုင်လ ၇ရက်နေ့ ၂ဝ၁၂ခုနှစ်)

Wednesday, September 19, 2012

စိတ်ကူးအိပ်မက်တစ်ခုကို ထွေးပွေ့ပါ

"မိမိရေးသောစာ မိမိတာဝန်ယူ