“ဒီလိုလုပ်ပါ ဒကာမလေးရဲ့ မိတ်ဆွေ ဗုဒ္ဓဘာသာတစ်ယောက်အိမ်မှာ ကုသိုလ်လုပ်ပါ။
ပြီးတော့ အဲဒီအိမ်မှာပဲ အမျှပေးလိုက်ပေါ့၊ မိခင်ကို ဖိတ်တဲ့အခါမှာတော့
ဘယ်ရပ်ကွက်၊ ဘယ်လမ်း၊ အိမ်နံပါတ်ဘယ်လောက်မှာ ကုသိုလ်လုပ်မယ်ဆိုတာကိုတော့
သေချာပြောပြီးတော့ဖိတ်ပါ”
“သြော် - ဟုတ်တာပေါ့ အဲဒီအချက်ကို တပည့်တော်မ မေ့နေတာ ကျေးဇူးတင်ပါတယ်ဘုရား၊ တပည့်တော်မ ဆရာတော်ပြောတဲ့အတိုင်း အမျှဝေပေးလိုက်ပါ့မယ်”
တိရောကုသုတ္တန်၌
သံဃဝေယျာဝစ္စ ပြုလုပ်ရင်း ခိုးယူမိသည့်အတွက် ၉၂-ကမ္ဘာတိုင်တိုင် ငရဲဘ၀၊
ပြိတ္တာဘ၀ဖြင့် ဒုက္ခရောက်ရသူများအကြောင်းကို တင်ပြခဲ့၏။ ယခုခေတ်တွင်လည်း
ဝေယျာဝစ္စအတွက် လှူသောငွေအနည်းငယ်ကို အလွဲသုံးစားပြုခဲ့သည့်အတွက်
ငရဲကျရသူတစ်ယောက်အကြောင်းကို “တက္ကသိုလ် သျှင်သီရိ” ရေးသားသည့်
“သေရွာပြန်တို့၏ ဖြစ်ရပ်မှန်ဘ၀အတွေ့အကြုံများ” စာအုပ်တွင်
လျှပ်တစ်ပြက်တွေ့လိုက်ရသည်ကို ပြန်လည်တင်ပြပါအံ့။
မေတ္တာရှင်(ရွှေပြည်သာ) “သင်လူတစ်ယောက်ဖြစ်ပြီလား? (ဓမ္မဒဿနနှင့် ဓမ္မရသစာစုများ)” စာအုပ်မှ ပြန်လည်ထုတ်နုတ် ဖော်ပြပေးထားပါသည်။
No comments:
Post a Comment