တနေ့ပြီးတနေ့ အရိုးတွေရင့်လဲ
တနေ့ပြီးတနေ့ အသိတွေတိုးမလာ
အတ္တ အလံတွေခိုင်မြဲနေဆဲ
မာနဆိုတဲ့ အသံ ကျယ်လောင်နေဆဲ
ဘာကိုမျှလဲ ရင့်ကျက်မှုမရှိ
မျိုးစေ့မှန် မမှန်သေချာမသိဘူး
ဒီအပင်မသန်တာတော့သေချာနေတယ်
အဖြစ်အပျက်အားလုံး
သဲထဲရေသွန် ဘာမှ အရာမထင်
လူမလေး ခွေးမခန့်တဲ့ ဘ၀
အတွေးအားလုံးကလဲ ခေါက်ရိုးကျိုးနေဆဲ
ခလုပ်ထိတဲ့အချိန်
ကာရံမဲ့နေတဲ့ ညများ
သိက္ခာတွေ အရိပ်ခိုတဲ့ နေ့များ
တစ္ဆေတွေ လမ်းပျောက်တဲ့ အချိန်များ
ငါ့ ဘ၀ မှာလဲ အသက်ရှုရတာ
မွန်းကျပ်လွန်းလှတယ်
ညအရောင်က မဟူရာ
ဟန်ဆောင်မှုတွေက ငါ့ ဘ၀ပေါ့
ငါ့ ဘ၀သက်တမ်း
အစိတ်အပိုင်း တခုမှာ
နာမည်ကောင်းလေးရဖို့
အမှန် အမှားခွဲခြားဖို့မချိန်မရှိခဲ့
အဲဒီလိုနဲ့
ခါးထဲမှာ မေတ္တာတုတွေတပွေ့တပိုက်
ဘ၀အရေး ဘ၀အရေးနဲ့
ခဏခဏ သိက္ခာတွေမဲ့ခဲ့ရတယ်
ရိက္ခာတွေ မပြတ်တောက်ဖို့
စစ်မှန်တဲ့ မေတ္တာကိုလဲ မရှာနိုင်ခဲ့
မတူညီတဲ့ ရပ်တည်မှုတွေအတွက်
ဘယ်သူ့ အပြစ်လဲ?
(လွန်ခဲ့တဲ့ ၄ လခန့်က ခင်မင်ရသူတစ်ယောက်အတွက်ရေးသားပေးခဲ့တဲ့ကဗျာ)
No comments:
Post a Comment