ကိုရေ... ချစ်လိုက်ရတာကွယ်.....
ဒိထက်ချိုတဲ့စကား ဘာများကြားချင်သေးလဲ.....
ဒိထက်ပိုတဲ့တရားကရော သစ္စာကလွဲရင် ဘာများဖြစ်နိုင်အုံးမှာလဲ.....
မျှော်လင့်မထားပဲ ကိုနဲ့ ဆုံတွေ့ရမှုက ဘုရားသခင်ဆီမှာ
ကျွန်မ မတောင်းပဲနဲ့ပြည့်ခဲ့တဲ့ဆုပါ..............
အဲဒိနေ့ကစလို့ ကျွန်မကမ္ဘာမှာ နေမင်းတစ်စင်း
ထွန်းလင်းတောက်ပလာခဲ့တာ ...သူ့အရှိန်အ၀ါတွေရဲ့ နွေးထွေးမှုက
တခြားဘယ်အရာတွေနဲ့မှ အစားထိုးလို့ မရခဲ့နိုင်ဘူး......
မတွေ့ရတဲ့ နေ့တွေမှာ ရူးလောက်အောင်ကို လွမ်းမိတယ်....
တွေ့ကြရပြန်တော့လဲ ရင်တွေကွဲလောက်အောင်ကို ချစ်မိပါတယ်ကိုရယ်..
“ ချစ် ” လို့ ကိုခေါ်သံ ချိုချိုလွလွလေးရဲ့အောက်မှာ အထိန်းအကွပ်မဲ့တဲ့
ကျွန်မနှလုံးသားအစုံဟာ ကြည်နူးခြင်းများစွာနဲ့အတူ တသိမ့်သိမ့်...
ကြာရင် ခန္ဓာရော ၀ိညာဉ်ပါ ကို့ဆီမှာ အပ်နှင်းမိလိမ့်တော့မယ်ကို....
မရယ်ပါနဲ့ ကိုရယ်...ကျေးဇူးပြုပြီး ကျွန်မရဲ့အချစ်တွေကို
မလှောင်ပြောင်လိုက်ပါနဲ့လား.......ကိုနဲ့ပတ်သက်ရင် မာနနဲ့သိက္ခာ
ဆိုတာတောင် ကျွန်မမှာ မရှိခဲ့တာပါ.........
ကိုက ဖြားယောင်းခဲ့လို့ မဟုတ်ဘူးနော်......
ချစ်လွန်းလို့ ကို့ဆီမှာ အရာရာကို ကြည်ဖြူစွာနဲ့ ပေးအပ်ချင်မိတာပါ....
တဆိတ်လောက်...ကို့ခြေဖမိုးလေးကို ဦးညွှတ်လို့
နမ်းရှိုက်ခွင့်လေး.....ပေးပါတော့လား......
ဒီလိုခွင့်တောင်းမိလို့ အောက်ကျနောက်ကျနိုင်လှချည်ရဲ့လို့
မထင်လိုက်နဲ့အုံးနော်....မြတ်နိုးလွန်းလို့ ကို့ရှေ့မှာ
အတိုင်းအဆမရှိစွာ ကျရှုံးသွားတာပါ....ကို...သိလား.....
အချစ်က ကျွန်မကို ပြုစားလွန်းတယ်.....
ကိုက ကျွန်မအပေါ် ပိုင်စိုးလွန်းတယ်....ဒီတော့..
ကိုနဲ့ဝေးရာဆီ ကျွန်မဘယ်လိုထွက်ပြေးလို့ လွတ်မြောက်နိုင်မှာတဲ့လဲ.....
အချစ်ဆိုတာကိုလေ.....မကြုံဖူးသေးခင်ကတော့
အလွယ်တကူ ရုန်းထွက်လို့ ရနိုင်မယ်လို့ ထင်ခဲ့မိတယ်...
ဘယ်လောက်တောင် အသိညဏ်နဲပါးလိုက်တဲ့ ကျွန်မပါလဲ...
အလွယ်တကူသာ ရုန်းထွက်လို့ ရနိုင်ခဲ့ရင် ....
ရာဇ၀င်ထဲက အချစ်နဲ့ပတ်သက်တဲ့ သတင်းစကားတွေ...
ဒဏ္ဍာရီထဲက အချစ်နဲ့ပတ်သက်တဲ့ ပုံပြင်လေးတွေ...
ဘယ်သူတွေက အရေးတယူပြောနေကြမှာလဲ.....အခုတော့..
ကျွန်မ ဆိုတဲ့ လောကီဘုံက ငမိုက်သားလဲ အချစ်ရဲ့ရှေ့မှာ
ဒူးထောက်ဦးညွှတ်လို့ အလဲအကွဲ ကျရှုံးမိနေလေရဲ့.....
ကိုရေ.....ချစ်လိုက်ရတာကွယ်.....
ဒိထက်ချိုတဲ့စကား ဘာများကြားချင်သေးလဲဟင်........
No comments:
Post a Comment